Svara þráð

Spjall

Viðtal við Gary Martin20.september 2015 kl.19:44
Var að horfa á viðtal við Gary Martin eftir leikinn áðan. Hann fer um víðan völl og minnist meðal annars á að honum finnist FH hafa keypt titilinn. En það er önnur saga. Ástæða þess að ég opna nýjan þráð um Gary Martin núna eftir þetta viðtal er að ég held að ég sé búinn að skipta um skoðun í þessari Gary Martin framhaldssögu. Ég hef verið gagnrýninn á Bjarna og fundist hann ekki hönda þetta rétt og róteringarkerfið hans er ekki að virka. En núna er ég kominn á það að vandamálið er Gary Martin. Hann virðist alltaf þurfa að hræra eitthvað í pottinum. Sívælandi og tekur aldrei upp hanskann fyrir þjálfarann sinn. Svo þegar hann hefur spilað er hann með slappa tölfræði. Held að KR ætti að þakka Gary Martin fyrir sitt framlag undanfarin ár eftir þetta tímabil og segja svo farvel. Það er ekki hægt að hafa hann áfram í liðinu á næsta tímabili eftir þennan endalausa sirkus í kringum hann núna. http://fotbolti.net/news/20-09-2015/gary-martin-buid-ad-vera-martrod-hef-ekki-hugmynd-hvort-eg-verdi-afram
Nonni
20.september 2015 kl.20:26
KR þarf að fara í gegnum algera naflaskoðun eftir þetta tímabil líkt og gert var eftir tímabilið 2012 og liðið kom sterkt til leiks 2013.Ef að lágmarkskrafa KR næst ekki að komast í Evrópukeppni hlýtur staða þjálfara að vera skoðuð að loknu tímabili. Áfram KR.
Vesturbæingur
21.september 2015 kl.08:16
Ég er mun meira sammála þér Vesturbæingur en þér Nonni í þessum skrifum hér að ofan. ,, Algjör naflaskoðun " er einmitt málið eftir þetta hábölfaða og skammarlega gengi KR síðustu vikur. Staða Bjarna og Gumma eftir tímabilið verður klárlega þar efst á blaði en ekki staða einstakra leikmanna. Ég persónulega þekki engan stuðningsmann KR sem enn vilja hafa þá algjörlega ráðalausu kumpana áfram sem þjálfara. Síðustu líkkistunaglarnir voru negldir í leiknum á móti Stjörnunni.
Stefán
21.september 2015 kl.09:05
Er alls ekki sammála Nonna litla hérna að ofan, að ætla að finna einn blóraböggul fyrir slæmu gengi liðsins er einföldun og Gary á það ekki skilið að mínu mati. Nú er 2 leikir eftir Leiknir úti og Víkingur heima, aðeins sigur í þeim báðum og þá Evrópusæti mundi hugsanlega bjarga þjálfurunum, 3 sætið er kannski ekki svo afleitt en titillaust ár er verra.
Kalli
21.september 2015 kl.10:07
Mér finnst ekki rétt að kenna einum leikmanni um ófarir liðsins. Það gerðist eitthvað eftir leikinn á móti FH. KR var á toppi deildarinnar, á leið í úrslit í Bikar og allt stefndi í tvöfallt þetta árið. Liðið allt er búið að vera slappt síðan það lagði FH 3-1. Kannski var það viðtalið við Gary í Morgunblaðinu eftir þann leik en kannski kunna þeir Bjarni og Gummi ekki að höndla svona mál með réttum hætti. Eina sem skiptir máli núna er að tryggja evrópusætið og vinna í því að byggja upp meistarlið fyrir sumarið 2016.
Andrés
21.september 2015 kl.13:06
Sammála því að það er ekki hægt að kenna Gary Martin um allt, langt því frá og það var ekki það sem ég var að meina. Samt sem áður hefur hans fjölmiðlaumfjöllun verið stórt pússl í þessu pússluspili og hann á sjálfur mikinn þátt í því með þessum viötölum og sí og æ að minna okkur á hvað hann sé fúll og að tala um martraðartímabil. Það kemur sá tímapunktur að menn verða bara að þegja og vinna í sínum málum sjálfir, menn leysa þetta ekki með því að væla í fotbolta.net eða mbl.is. Auðvelt að vera vitur eftir á en líklega hefði verið best að lána Gary Martin þegar Hólmbert kom inn. Gary Martin til varnar þá er búið að vera of mikið hringl í allt sumar á framherjastöðunum og það er bara ekki uppskrift af velgengni. Betra að hafa fáa framherja þar sem þeir eru alveg vissir um að þeir séu mennirnir. Sjáið nokkra toppklúbba í Englandi sem dæmi, sumir eru bara með einn alvöru framherja. Sammála Andrési að það þarf að kryfja þetta móment eftir FH-leikinn og þann viðsnúning sem varð þá. Man líka að um verslunarmannahelgina var sagt að einhver úr KR hefði verið rúllandi í eyjum á þjóðhátíð. Kannski hefði þurft agabann þá, kennarinn að sýna hver ræður því annars missir hann agann í kennslustofunni, hver veit?
Nonni
21.september 2015 kl.13:22
Það sloknaði bara alveg á KR-liðinu eftir sigurleikinn á móti FH, fyrst sóknarlínunni með Hólmbert alveg vonlausan leik eftir leik, svo dönunum og nú vörninni. Ég held bara að sama andleysi einkenni KR í dag og það andleysi sem setti Fram niður í fyrra. Hvort að það sé tilviljun að sami þjálfari er að störfum veit ég ekki ? Það er líka nokkuð ljóst að mórall innan liðsins er slæmur, annars væri Gary Martin ekki að fara svona í fjölmiðla. Ég persónulega ætla að kenna Bjarna og Gumma um þetta allt saman. Annar hvor eða báðir eru alls ófærir að gegna þessum störfum. BLESS !
Stefán
21.september 2015 kl.19:23
En svo er annað í þessu líka; ég er búinn að ræða mikið um Gary Martin málið og menn eru sumir ónægðir með þjálfarana. Furðulítið finnst mér hafi verið skrifað um leikmenn og hverjir hafa staðið sig og hverjir ekki. Á spjallborðum erlendis fá menn að heyra það ef menn standa sig ekki. Og hvað með áhorfendur? 500 hræður á heimaleik á móti Íslandsmeisturunum!
Nonni
21.september 2015 kl.20:08
Nonni finnst þér ekki lógískt að með slappri frammistöðu, andleysi og engri leikgleði. smitist það út í stuðningsmenn og áhorfendur, sem hugsi nú er nóg komið ? því miður er það svo.
Kalli
21.september 2015 kl.20:21
Jújú, það er alveg lógískt en þetta er kannski meira (eða minna) en maður ætti von hjá flottum klúbbi eins og KR. Ég hélt að það væru amk 500 Kr-ingar sem mættu sama hvað, til að fá sér kaffi, sjá félagana, fara með krökkunum, tala um hvað liðið sé slappt þessa dagana os.frv.. Kannski voru allir þessir 500 sem mættu Kr-ingar og engir stjörnumenn þarna.
Nonni
21.september 2015 kl.20:33
Fyrir stuttu síðan var ástandið orðið þannig að það var erfitt að ná upp góðri stemningu þó að vel gengi. Í sumar náðist ágætisstemningu oft á meðan vel gekk hjá liðinu og aðsókn var oftast í 1500-2000 áhorfendum. Við erum bara því miður ekki á þeim stað að eiga möguleika á því að fá marga á völlinn þegar liðið spilar mjög illa og nákvæmlega ekkert er í húfi.
ábs
22.september 2015 kl.08:38
Stuðningsmenn KR eru vissulega að senda skilaboð með því að mæta ekki á völlinn. Ég met það þannig að verið sé að senda stjórnarmönnum KR mjög ákveðin skilaboð varðandi þjálfaramál. Krafan sem ég heyri er öflugur erlendur þjálfari fyrir næsta tímabil.
Stefán
22.september 2015 kl.09:17
Andleysið er ekki bara hjá leikmönnum og þjálfurunum. Hvað hafa stjórnarmenn eða starfsmenn félagsins gert til þess að rífa upp stemmninga. Nákvæmlega ekki neitt. Leikur KR og Stjörnunar var ekki einu sinni auglýstur. KR er sennilega verðmætasta vörumerki Vesturbæjarsins en það er ekkert gert. KR fótboltasamfélagið er gjörsamlega lamað í alla staði. Það er ekkert gert til þess að rífa þetta upp. Andleysið hefur fylgt liðinu undanfarin ár með örfáum undantekningum. Núna er félagið í algjörum lágpunkti. Fólk mætir illa á völlinn og sjálfur nenni ég varla á völlinn. Hef sleppt fjölda leikja í ár eitthvað sem gerðist ekki á árum áður. KR gekk fyrir. Getur mögulega haldist í hendur við það að liðið er óspennandi. Fáir KR-ingar í liðinu og í besta falli miðlungs útlendingar. Menn létu mikið með þessa dani í upphafi móts. Schoop átti að vera sá besti sem hér hefur spilað. Ég get talið góða leiki hans á fingrum annarrar handar. Virkilega ofmetinn leikmaður. Sörensen er slakur og Rasmus líka. Ég veit að ég er pirraður á liðinu en ég held að það sé kominn tími á skipta út forystu félagsins.
KR
22.september 2015 kl.12:02
Það er alveg á hreinu að mörg mistök hafa verið gerð. Ég hef haft trú á Þorsteini en þegar hann vildi fara í sumar þá átti annað hvort að halda honum og gera hann að framherja nr. 1 eða leyfa honum að fara. Alls ekki að halda honum og Gary og fá þriðja senterinn inn sem á að vera nr. 1. Best hefði verið að láta Gary fara en það er önnur saga. Veit ekki hvort ákvörðunin var stjórnarinnar eða Bjarna en hún var ekki góð. Um bakverðina þarf ekki að ræða frekar, það er auðvitað galið að spila með fjóra miðverði í varnalínunni þó að Gunnar (sem er svosem miðvörður/bakvörður) hafi staðið sig vel. Gott dæmi er þegar Rasmus meiðist í Eyjum og í stað þess að setja Aron í miðvörðinn og Balbi í bakvörðinn þá er Grétar settur beint í miðju varnarinnar. Svo horfir maður á Atla Sigurjóns leggja upp tvö mörk fyrir Blika á móti FH. Hvers vegna fékk þessi maður ekki sama séns og Schoop og Sören. Ef hann og Þorsteinn áttu einn slakan leik þá eru þeir afskrifaðir meðan rembingurinn við að halda Dönunum (og fleiri) í liðinu leiðir jafnvel til þess að Sören er í hægri bakverði!! Að lokum vil ég benda á að mætingin á völlinn helst auðvitað í hendur við gengi liðsins. Það er hins vegar svo að samband meistaraflokks karla við íbúa í Vesturbænum er ekki eins og best verður á kosið. Vesturbæingar hafa í mörg ár verið hundfúlir út í áhersluna sem lögð er á meistaraflokk karla meðan viss óánægja er með yngri flokka og kvennastarfið. Ég velti fyrir mér hvort hluti skýringarinnar á þessari stöðu sé að stór hluti stjórnarmanna býr ekki í Vesturbænum og eru því ekki með krakka í því starfi sem þar er unnið. Þessi tengsl milli íbúa hverfisins og félagsins er e-ð sem má ekki vanmeta í þessu starfi. Mér finnst t.d. fráleitt að sigurhátíðir fari fram úti á Eiðistorgi. Það er eflaust verið að reyna að ná sömu stemmningu og 1999 en ég er hræddur um að það sé langt í að svoleiðis stund komi aftur. Það er auðvitað frábært og nauðsynlegt að KR-ingar séu sem víðast á landinu og jafnvel í útlöndum en lögheimili KR er í Frostaskjóli 2 og þar á hjartað að vera.
Sámur
22.september 2015 kl.13:32
Ég ætla svo sem ekki að blanda mér í umræðuna um liðið okkar annað en það að mér sýnist augljóst að það er mikil óánægja meðal leikmanna, annað skýri ekki spilamennsku þeirra að undanförnu því við vitum öll hvað þeir geta í fótbolta. Vil hins vegar taka undir með Sámi að viðhorf stjórnarinnar til kvennaliðsins er ekki í lagi og verandi sjálfur með ung börn þá get ég sagt það að ég forðast það í lengstu lög að setja þau í fótboltann. Hún er klikk afreksstefnan sem þar er rekin og hvernig viðmót þeir fá sem þykja ekki nógu góðir. Strax í yngstu flokkunum! Karfan t.d. er allt annar handleggur þar er yngri flokka starfið til fyrirmyndar. Og ég er ekki einn um þessa skoðun svo því sé haldð til haga, svona hluti ræða foreldrar sín á milli.
Teinótti Titturinn
22.september 2015 kl.14:01
Nú held ég að menn séu að komast að kjarna málsins. Stjórnin er með niður um sig. Hún eða þeir hafa alls ekki staðið sig og verið með stórundarleg leikmannakaup í engu samræmi við þörf á leikvellinum. Þeir hafa keypt kolvitlausa menn í kolvitlausar stöður. Auðvitað segja menn að það sé þjálfarinn sem ráði því en einhvern veginn læðist að manni sá grunur að það séu menn á bakinu á honum sem ráða of miklu. Við erum búnir að láta frá okkur frábæra íslenska leikmenn jafnvel KR-inga sem féllu mjög vel inní hópinn en taka inn Dani í staðinn sem eru ekkert sérstakir í fótbolta og eru sjálfsagt ekki komnir til að vera. Það er að lokum barnaskapur að halda því fram að þetta sé allt Gary að kenna. Hann á ekki skilið þá meðferð af okkar hálfu.
Frosti
22.september 2015 kl.14:05
Á tengd börn í yngri flokkum KR bæði í knattspyrnu og Körfubolta.Þetta er tvennt ólíkt starfið hvað unglingastarfið er mun betra hjá körfunni.
Helgi
22.september 2015 kl.14:55
Þetta hefur verið sumar vonbrigða. Liðið byrjaði mótið illa og var ekki sannfærandi í fyrstu leikjum. Svo tók við smá kafli um mitt sumar sem gaf smá von um að það væri kannski einhver glæta í þessu. Annað kom hins vegar á daginn í ágúst og september. Í raun hefur liðið að mínu mati aðeins þrisvar sýnt góðan leik. Það var 3-1 sigurinn á móti fh í deildinni og svo sigurinn á móti fh í bikarnum. Að auki átti liðið flottan leik gegn Cork City hér heima. Annað hefur verið frekar ósannfærandi. Tvö jafntefli á móti skagamönnum. Jafntefli á móti eyjamönnum og svo rétt mörðum við keflavík á heimavelli. Andleysið á móti vali í bikarúrslitum var óskiljanlegt svo ekki sé minnst á tapið á móti þeim í deildinni. Að fá rétt rúmlega 500 áhorfendur á heimaleik í Frostaskjólinu er svo kornið sem fyllir mælinn. Ég man hreinlega ekki eftir öðru eins stemningsleysi í Vesturbænum. Síðustu ár hafa verið frábær en þetta ár hefur verið algjört fíaskó. Nú þurfa menn að klára þessa leiktíð með sóma og fara svo strax í þá vinnu að undirbúa næstu leiktíð.
KK
22.september 2015 kl.18:31
Nei, nú hringi ég í Jens.
Damus7
22.september 2015 kl.20:42
Nú eru menn farnir að væla og grenja um allan andskotann og menn sem nenna ekki á völlinn farnir að væla yfir lélegri mætinu. Leikmannakaupin í vetur og vor virkuðu vel á flesta og þjálfararáðningarnar voru lógískar. Mótið gekk vel framan af, það var stígandi í þessu og liðið var að toppa í júlí - síðan varð hrun og það að er það sem menn eru að reyna að kryfja núna. Ekki ástæða til að fjargviðrast yfir óskyldum málum og síðan hvenær varð það að vandamáli að menn kæmu saman og fögnuðu sigri á Rauða ljóninu. Hvað bull er þetta eiginlega?
ábs
22.september 2015 kl.21:43
Mönnum er frjálst að kalla þær skoðanir bull og væl sem eru settar hérna fram en það er lítil reisn yfir því. Ég hef mætt á alla þá leiki sem ég kemst á og fylgt liðinu út á land og var einn af fáum sem mætti á leikinn við Stjörnuna. Ég er því í ágætis stöðu til að leggja mat á stemmningu í kringum liðið og staðreyndin er sú að þessi fámenni hópur sem kallar sig Miðjuna virðist eiga litla möguleika á því að fara í e-a endurnýjun eða bæta við sig. Hluti vandamálsins er að liðið er ekki að tengja við íbúa í Vesturbænum eins og það ætti að vera að gera. Það er ekki sama ástríða og fyrir 15-20 árum síðan. Það er hægt að stinga hausnum í sandinn og láta eins og þetta skipti ekki máli eða gera e-ð í hlutunum til að fá íbúana í lið með sér. Það koma strax tveir aðilar á þessum þræði sem eru sama sinnis um yngra flokka starfið og þið getið verið alveg vissir um að það eru fleiri sama sinnis. Miklu, miklu fleiri. Og varðandi Rauða ljónið þá er það ekki vandamál en það væri hægt að gera sigurhátíðir að hverfishátíðum. Og svona útfrá því hvað var lógískt fyrir tímabilið. Var lógískt að ráða Bjarna? Var lógískt að fá enga bakverði í stað tveggja frábærra bakvarða? Var lógískt að bæta nýjum framherja við þá tvo sem voru þegar ósáttir? Er lógískt að halda Dönunum inni í byrjunarliðinu sama hvað bjátar á? Ég held einmitt að efasemdirnar hafi verið til staðar fyrir tímabilið og nú sé að koma í ljós hves vegna. Ég er hins vegar ekki bara fúll á móti, alls ekki, en mig hefur lengi langað að láta í ljós skoðanir á því sem mér finnst ekki í lagi, Fyrir það fyrsta finnst mér að Bjarni eigi að fá annað tímabil, Í öðru lagi finnst mér mikilvægt að fá sterkari að afturliggjandi miðjumann (gæti jafnvel séð Skúla fyrir mér í þeirri stöðu og svo hef ég heyrt að Præst gæti komið en hann hefur reyndar ekki verið jafn öflugur í ár). Í þriðja lagi verður að leysa þetta bakvarðavesen en hvort að Ólafsvíkingurinn vilji koma aftur verður að koma í ljós. Svo þarf öflugan, óumdeildan framherja.
Sámur
22.september 2015 kl.22:31
Þriðja flokks strákarnir um mitt sumar eru vísir að því að einhver geti farið að taka þetta yfir af gömlu Miðjunni. Kannski ekki bara þeir en vonandi geta þeir dreift úr sér og laðað að.
ábs
22.september 2015 kl.22:56
ÁBS: Tel það vera nokkuð ómálefnalegt að kalla alla gagnrýni væl eða bull. Ég hef mætt á alla heimaleiki í sumar fyrir utan einn (leikurinn á móti fylki) og reyndar nánast alla heimaleiki síðustu 20 ár. Hef stutt liðið í gegnum súrt og sætt. Ég leyfi mér að gagnrýna þegar liðið er ekki að standa undir væntingum. Þegar liðið sýnir andleysi og baráttuleysi í leikjum. Fyrr í sumar lýsti ég yfir áhyggjum af því hvernig liðið var að spila og taldi að þjálfarar væru ekki að ná því besta úr liðinu. Dró þá gagnrýni til baka og hef svo sem ekki verið að leggja hana fram aftur þrátt fyrir dapurt gengi. Reyndar var hraunað yfir mig rækilega fyrir að setja þessa gagnrýni fram á sínum tíma en það er önnur saga. Svona er fótbolti. Stundum gengur vel og stundum illa. Síðustu fjögur ár hafa verið frábær en þar á undan var lítið að gerast í átta ár fyrir utan einn bikar. Ég er bara einn af þeim sem tel að KR eigi alltaf að vera í toppbaráttu. Andleysi á vellinum smitast upp í stúku og dregur úr stemningu. Það er algjört lykilatriði í mínum huga að liðið nái þriðja sæti í sumar. Annað er ekki boðlegt miðað við þann mannskap sem er í KR. Ef við lendum neðar þá verður að mínu mati að skipta út þjálfurum. Mín von er sú að Bjarni og Gummi nái að klára þetta tímabil með sóma og vonandi ná þeir að nýta veturinn til að byggja upp liðið og taka titla á næsta ári. Áfram KR!!
KK
22.september 2015 kl.23:58
Auðvitað er ég hundóánægður með árangurinn í sumar en þegar menn eru farnir að mála upp þá mynd af félaginu að það sé bara andlega gjaldþrota á allan hátt, draga yngri flokka starfið inn í þetta, sem er allt önnur umræða, sjá ekkert nema svartnætti hvað varðar stuðningsmenn og eru síðan farnir að kvarta yfir því að KR-ingar komi stundum saman á Rauða ljóninu, þá er mér öllum lokið. Og þegar stjórnarmenn lesa svona gagnrýni, hvað eiga þeir að gera með hana. Þeir hljóta að hugsa: Þessir menn kvarta yfir öllu. - Og að liðið hafi bara átt þrjá góða leiki í sumar, eins og einhver hélt fram hér að ofan, er auðvitað vitleysa. - Ég segi bara, nógu slæmt er óstandið þó að við málum ekki skrattann á hvern einasta vegg sem fyrirfinnst! - Reynum nú að vera aðeins fókuseraðri í gagnrýninni en þetta.
ábs
23.september 2015 kl.00:39
Það var reyndar ég sem sagði að liðið hefði bara spilað þrjá "sannfærandi" leiki í sumar. Tel það vera sanngjarnt mat. Kannski mögulega mætti bæta við sigrinum á stjörnunni í garðabæ. Ég á reyndar strák sem er að æfa með yngri flokkunum og hef ekki yfir neinu að kvarta þar. Síður en svo. Þar er unnið gott starf og frábærir þjálfarar. Menn mega ekki taka þessu persónulega. Við erum bara hér að ræða um félagið sem við elskum allir. KR-klúbburinn hefur unnið gott starf í sumar og Miðjan hefur verið flott á köflum. Ef liðið væri að spila af sama krafti og stuðningsmenn værum við með 50+ stig. Ég vil bara sjá þennan kraft á vellinum.
KK
23.september 2015 kl.08:21
Til þeirra sem eru að kvarta undan yngri flokka starfinu. KR lék úrslitaleikinn í Íslandsmóti 3. flokks. Liðið náði þessum árangri þrátt fyrir að bestu fjórir leikmennirnir í þessum hópi hafi bara spilað með 2. flokki. Þetta segir mér að KR er að gera eitthvað rétt í yngri flokkunum.
Sæli
23.september 2015 kl.08:32
Menn eru drullusvekktir með tímabilið og það er eðlilegt, því að við stuðningsmenn gerum miklar kröfur til liðsins. Í vor voru miklar vonir bundnar við góðan árangur með miklum mannakaupum. Maður setur spurningamerki við margt: Pálmi Rafn er góður leikmaður, en er hann góður fyrirliði ? Danirnir byrjuðu allir vel en brunnu út, fyrst Sören, svo Rasmus og nú síðast sá sem var jafnvel talinn of góður fyrir íslenskan fótbolta ? Er það ekki bara afleiðing af hörmulegum móral í liðinu ? Byrjar slæmur mórall ekki oftast á toppnum og smitar niður, frá stjórn, til þjálfarar, til leikmanna og að lokum til stuðningsmanna sem margir hverjir kjósa að mæta ekki lengur ? KR er stór klúbbur og öll þjóðin fylgist með þessu, sumir gleðjast, en flestir eru steinhissa og spyrja: Hvað er eiginlega að hjá ykkur ? Það er auðvita stjórn KR og knattspyrnuleildar sem mun eiga lokaorðin og ákveða framhald leikmanna og þjálfara. Og já, ég nýt þess að fagna á Rauða Ljóninu og Eiðistorgi þegar það er í boði.
Stefán
23.september 2015 kl.10:44
Við skulum vona að stemmningin fari upp á við og næsta tímabil verði betra (og vonandi gefst mönnum tækifæri að komast á Rauða ljónið). En vanmetið ekki hvernig yngra flokka starf hefur áhrif á heildarupplifunina af félaginu. Ég er ekki að tala um árangur yngri flokka í Íslandsmóti heldur að allir líti á KR sem eina heild þar sem lagður er metnaður í starfið í öllum flokkum (óháð getu). Ég er því ekki viss um að þetta séu óskyld mál.
Sámur
23.september 2015 kl.11:04
Aðbúnaður og aðstæður sem yngri flokkum og þjálfurum er boðið upp á er mjög dapur. Við erum langt á eftir öðrum félögum í þeim efnum. Nánast allt okkar fé og orka fer í að kaupa skammtímaárangur í meistaraflokki karla. Félagið sem slíkt hefur staðið í stað og er að mörgu leiti fjársvelt. Nú síðast vorum við að missa yfirþjálfara yngri flokka yfir í Stjörnuna. Sá er uppalinn KR-ingur og hefur þjálfað hjá okkur í 10 ár með góðum árangri. Af hverju sér hann ástæðu til þess að fara í stjörnuna?
KR
23.september 2015 kl.11:05
Ég fór í smá söguskoðun. Rúnar tók við mitt ár 2010, liði sem var mjög gott og hafði spilað saman í 2-3 ár fyrir það og ekki náð árangri. Liðið tapaði bikarúrslitaleiknum við FH undir stjórn Rúnars og endaði í 4 sæti. http://www.ksi.is/mot/motalisti/urslit-stada/?MotNumer=19847 2011 var frábært ár, unnum tvöfalt og þvílík gleði. 2012 unnum við bikarinn en um mitt tímabil unnum við enga leiki og leikirnir fjöruðu út, enduðum í 4 sæti það ár líka. http://www.ksi.is/mot/motalisti/urslit-stada/?MotNumer=26463. 2013 var frábært ár, vinnum titilinn og allir sáttir. 2014 vinnum við bikarinn en allir sammála um að tímabilið hafi verið vonbrigði. Náum ekki, eins og áður að fylgja eftir íslandsmeistaratitli með góðu tímabili. 2015 tekur nýtt teymi við, liðið er í raun endurskipulagt enda margir sem detta út sem höfðu verið mikilvægir í okkar leik. Fáum nýja, sterka leikmenn inn en auðvitað tekur tíma að fá þetta til að smella. Fyrir það tímabil spáðu allir fjölmiðlamenn og spekingar að KR liðið ætti eftir að lenda í 3 sæti, FH myndi taka allt sem væri í boði. Eðlilega þar sem þeir eru með frábært lið og bættu bara við sig, misstu engann. Núna eru allir fjölmiðlamenn forviða að liðið sé í 3 sæti og ekki unnið titil? Auðvitað gera KR ingar kröfu á árangur en árangur kemur ekki á einni nóttu, gleymum því ekki að KR vann ekki titil frá 2003 til 2011 og lengra tímabil fyrir það 1999. Það elska allir þegar gengur illa hjá KR, við stuðningsmenn vitum það best. Þegar byrjunarliðin eru tilkynnt á fótbolta.net kemur bara fram hverjir byrja ekki inn á, í stað þess að taka fram hverjir eru í byrjunarliði. Þetta er ekki svona hjá öðrum liðum. Allir slefandi að bíða eftir því að Gary komi með eitthvað rosalegt viðtal þar sem hann drullar yfir alla. Atli Viðar hjá FH er búinn að vera markakóngur í Íslenska boltanum í fjöldamörg ár, ekki er tekið fram þegar hann byrjar ekki inn á? Breiðablik er að eiga FRÁBÆRT tímabil en eru 4 stigum á undan KR í deildinni og töpuðu fyrir KA í bikarnum. Núna er algjör krafa að ná evrópusæti og ef það gengur ekki þá þarf að skoða vandlega hvort það þurfi ekki að gera breytingar, en gefum þessu smá tíma. Er það ekki?
Magnús
23.september 2015 kl.11:49
Ég held að þriðja sætið sé ekki það sem menn eiga erfiðast með. Heldur einfaldlega spilamennska liðsins seinni hluta móts og vesenið í kringum lykilmenn liðsins. Þetta er bara ekki traustvekjandi. Svo fer náttúrulega af stað skjálfti þegar það er hætta á að við missum þriðja sætið. Vil líka taka heils hugar undir það sem Sámur skrifaði síðast, held að þetta sé stærra mál en margir gera sér grein fyrir. En það þýðir nú samt ekkert að fara í rant um hvað allt sé glatað hjá fótboltadeildinni, það er líka bara ósanngjarnt og vanþakklátt eftir árangur síðustu ára. Vinnum svo þessa síðustu tvo leiki andskotinn hafi það - ekki látum við Val taka af okkur evrópusætið!
Teinótti Titturinn

Svara þráð

Nafn: Fyrirsögn: Það þarf að setja inn stafina "KR" í vörnina til að þráðurinn birtistVörn: Skilaboð:

Viðtal við Rúnar Kristinsson

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

Mest lesið

KR-TV

<iframe width="350" height="215" src="https://www.youtube.com/embed/TPPj06u0J6g" frameborder="0" allowfullscreen></iframe>
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

 

 

 

 

Finndu okkur á Facebook

Vefsíðugerð & vefhönnun: Smartmedia 2012