Svara þráð

Spjall

Stemmning - Stuðningsmenn KR - Miðjan23.júní 2015 kl.01:27
Hvað þarf að gera? KR-liðið spilar einn flottasta bolta landsins og við stuðningsmenn erum ekki í flútti við hann. Erum hægt og rólega að breytast í áhorfendur ef ekkert fer að breytast. Ég er lengi búinn að bíða eftir því að einhverjir stígi upp og taki við keflinu, átti von á að það gerðist "sjálfkrafa". Ætli ég geti ekki litið á eigin hendur og sagt að þær hafi tekið rangt á hlutunum. Það sem vantar er mótivering, mótiveringu fyrir aðra til að bjóta ísinn og vera í Miðjunni. Okkur vantar klárlega einstakling sem er góður í markaðsmálum. Einhvern sem kemur með góðar pælingar með KR treyjuna og Miðjuna. Mann sem getur búið til fjármagn. Fjármagn til að ná mótiveringunni sem þarf til að fá nýja menn inn. Ég er að tala um bjórkvöld Miðjunnar. Þar sem frír bjór er í boði í einhvern ákveðinn tíma fyrir þá sem mæta í KR treyju á Rauðaljónið. Bjórkvöld þar sem sem ný lög eru frumflutt osf. Þetta tel ég vera besta leiðin til að brjóta ísinn. Þennan markaðsmann þarf að finna og ég lýsi hér með eftir honum.
Damus7
23.júní 2015 kl.10:17
Svona hlutir koma og fara. Það þarf bara ferska menn inn með sitt eigið konsept. Menn eiga ekki að vera að halda í Miðju nafnið því menn hafa augljóslega ekki gengið til liðs við Miðjuna. Sjáið bara Mafíuna í Hfj. Hún er átakanlega slök enda lítil endurnýjun verið þar. Svo koma ungir blikastrákar sem taka málin í sínar hendur og eru ferskir. Silfurskeiðin er fersk en svo eldast menn þar. Einu sinni voru Sebrarnir að berja trommur, svo kom Miðjan og var mögnuð. Núna þarf bara eitthvað nýtt og ferskt. Auðvitað ættu Miðjumenn sem og aðrir stuðningsmenn að taka þátt í því. En það þarf ferska menn inn á eigin forsendum. Unga menn sem líta á þetta sem partý og eru að skemmta sér og öðrum.
KR
23.júní 2015 kl.10:19
Stjórn Knattspyrnudeildar þarf núna að leggja höfuðið í bleyti. Bjóða upp á partý, tala við stráka í 2. fl. eða þá sem eru nýgegnir upp, rétt í kringum tvítugt. Bjóða þeim frítt á völlinn, upp á öl og burger, rútu á útileiki. Menn eiga að svo að vera með "smá bullulæti". Vera með blys, fána og annað slíkt. Þannig kemur þetta og þannig á þetta að vera.
KR
23.júní 2015 kl.10:25
þetta er hárrétt hjá "KR" og í takt við það sem menn sögðu fyrir tímabil. Það á bara að leyfa hópum að renna sín skeið. Það hefði gert lítið að ríghalda í Zebra nafnið og búa til einhvern twitter account. Annað hvort er kjarni til staðar eða ekki
qwerty
23.júní 2015 kl.11:15
Veit ekki betur en að það hafi verið reynt. Miðjan fór að sofa fyrir 3 árum og enginn annar var vakandi á meðan. Nú erum við að vakna við þann draum. Draum sem varð ekki að veruleika og það þarf að bregðast við. Þess fyrir utan þá er Miðjan bara nafn. Nafn sem má vel leggja til hliðar.
Damus7
23.júní 2015 kl.11:28
Þetta gerist ekki sjálfkrafa. Það er næsta víst. Það þarf að leita til þessara aðila. KR-klúbburinn og stjórn knattspyrnudeildar þurfa að sýna frumkvæði. Við höfum séð þetta á körfuboltaleikjunum að það er alltaf skorað á Miðjuna að mæta. Hvað gerist - nákvæmlega ekki neitt. Fólk ætlast til þess að einhverjir 5-6 strákar/kallar sjái bara um þetta. Ítreka það sem áður kom fram. Forsvarsmenn félagsins þurfa núna að bretta upp ermarnar. Stemmingsleysið er æpandi. Eiginlega bara alveg vandræðalegt.
KR
23.júní 2015 kl.12:15
Varð Miðjan samt ekki einmitt til af sjálfu sér, eða var stjórn knattspyrnudeildar eitthvað á bak við hana?
h
23.júní 2015 kl.12:48
Að ætlast til þess að stjórn knattspyrnudeildar fari inn í geymslu í KR-heimilinu og dragi þar fram eins og eitt stykki stuðningsmannasveit sem liggur þar innan um fána og fleira dót er veruleikafirring. Stuðningssveitir verða alltaf til í grasrótinni, það gildir um Zebrana, Miðjuna, Silfurskeiðina og hvaðeina. KR-klúbburinn býr til fína umgjörð með veitingasölu og upphitun og þess háttar en býr ekki til stuðningssveitir. - Annaðhvort verður þetta til eða ekki. -Ég bið hins vegar félaga mína í fámennri Miðjunni um að gefa ekki eftir - það hefur náðst þokkalega stemning á flestum heimaleikjunum með því að 1-2 í Miðjunni byrja að syngja, restin af Miðjunni tekur undir og síðan stór partur af stúkunni. Þetta var til dæmis ágætt gegn Fjölni og Keflavík. Höldum því endilega áfram. Enn sem komið er er Miðjan skárra en ekki neitt - aðrar stuðningssveitir eru velkomnar.
ábs
23.júní 2015 kl.13:05
Ég get tekið undir það sem hefur verið sagt hérna. Man vel eftir Zeprunum sem voru skemmtilegir og mikið stuð í kringum á sínum tíma. Man líka eftir því að menn mættu með hljóðfæri á KR-Víking árið 1999 á Laugardalsvöllinn og spiluðu stemmingslög allan leikinn. Þegar Miðjan kom fannst mér fyrst um sinn eins og þar væru á ferð menn með smá hroka. Gerðu lítið úr hljóðfærum og vildu bara syngja og tralla. Það var ágæt hugmynd og gaman af þeim. Þeir komu með nýja vídd inn í fótboltan langt á undan öllum öðrum. Kannski kemur nýr hópur inn fljótlega. Kannski þarf miðjan að vera með fb síðu og vera duglegri að ná í nýja meðlimi þar eða bara leyfa þessu að gerast sjálfkrafa.
Andri
23.júní 2015 kl.13:15
Miðjan er með FB-síðu sem er reglulega uppfærð og mjög mikið lækuð - en enginn treystir sér til að bætast í hópinn. Má ég líka minna á að það er fullt af gömlum körlum í Tólfunni. Aldur er aukaatriði. Þetta er spurning um að nenna og þora að standa þarna í gatinu, vera í treyjunni og syngja lögin sem allir kunna núna.
ábs
23.júní 2015 kl.13:28
Auka aðgengi að bjór. Þá gerist þetta af sjálfu sér. (Og drekka bjórinn, ekki grýta honum inn á völlinn.)
Múrskeiðin - Eina leiðin
23.júní 2015 kl.14:12
En ábs...finnst þér það engin vísbending að þetta er bara alls ekki að ganga. Þeir aðilar sem hafa reynt að trekkja að hafa því miður ekki náð því markmiði sínu. Á fyrstu dögum miðjunnar þá var knattspyrnudeildin mjög dugleg að styðja við bakið. Bauð upp á fríar rútuferði, gaf bjór í rútuna, borgaði blyssektir með glöðu geði. Þá voru forsvarsmenn KR-klúbbsins jafnvel í Miðjunni. Stuðningur er sannanlega ekki bundin við aldur eins og þú segir hins vegar þarf drifkrafturinn í þessu að vera ungir sprækir strákar sem eru tilbúnir að henda í eitt stykki gott partý á vellinum. Að sjálfsögðu á knattspyrnudeildin og KR-klúbburinn að gera þessum mönnum kleyft að búa til þessa stemmningu. Sú skylda hvílir á þeim sem forsvarsmönnum félagsins.
KR
23.júní 2015 kl.14:22
Hallast að því að báðir hafi lög að mæla.
h
23.júní 2015 kl.15:31
Kær KR. Þau tvö ár sem ég var formaður KR-klúbbsins var ég sjálfur í Miðjunni. Þá var alltaf verið að bjóða upp á fríar rútuferðir og það var líka alltaf verið að bjóða upp á bjór. Við fórum hins vegar í mjög fáar rútuferðir og þær fáu ferðir sem við fórum handsmöluðum við í. Ég tók meira að segja einu sinni með mér sex unglingsstráka sem tengdust syni mínum til að fylla upp í rútuna svo knattspyrnudeildin væri til í að borga undir svo fáa stuðningsmenn. - Þetta gengur ekki vel og það vantar nýtt blóð í stuðningsmenn en vandamálið liggur ekki hjá knattspyrnudeildinni.
ábs
23.júní 2015 kl.16:08
Þannig að það sé alveg fært til bókar þá hef ég ekkert út á störf þín ábs að setja. Þakka fyrir góð störf. Auðvitað liggur vandamálið ekki hjá knattspyrnudeildinni sem slíkri. Ég tel hins vegar að knattspyrnudeildin eigi að leita til ákveðinna drengja, félagslegra sterka og skapandi sem myndu taka að sér þetta starf. Deildin ætti að gefa þeim miða, söngolíu og annað nauðsynlegt til þess að byggja upp stemmningu. Þetta er ekki eins flókið og menn ætla. Þeir sem eru í fyrirsvari fyrir Miðjuna í dag eru augljóslega þreyttir og hafa engin úrræði eins og upphafspóstur þessa þráðs ber með sér. Það er kominn tími á ferst blóð og það er til í félaginu.
KR
23.júní 2015 kl.16:22
Mér finnst það sérstaklega slæm hugmynd að knattspyrnudeild KR fari að gefa miða á leiki og þá sérstaklega áfengi. Mér finnst það ekki góð nálgun að búa til bullustemmingu á vellinum. Miklu frekar viljum við fá fjölskyldur til að koma og mæta á völlinn. Það ætti fyrst og fremst að vera verkefni knattspyrnudeildarinnar að skipuleggja völlinn með þeim hætti að sem flestir hafi áhuga á að koma. Við þurfum t.d. að fara að taka umræðuna um gervigras og lýsingu. Stækka stúkuna og gera almennilega aðstöðu fyrir sölu veitinga. Hvernig við fáum "mömmurnar" á völlinn o.fl. því þá kemur stemmingin.
Andri
23.júní 2015 kl.18:55
Sjálfsögðu er lakari mæting í rútunna þegar menn geta ekki gefið sér það að það sé rúta eins og var hér í denn, en þessi þráður á og er ekki um KR klúbbinn og hvernig hann er rekinn heldur það að við þurfum að hópa mönnum saman og búa til stærri kjarna af hörðum stuðningsmönnum. Það er uppgangur hjá okkur KR-ingum og sá ég í Garðabæ fleiri menn í KR treyjum en oft áður. Við þurfum að nýta þetta momentum til að halda gott KR party á degi sem er ekki leikdagur (ekki nema að menn vilja hafa stuðningsmenn sauðdrukkna af fríum bjór eins og Silfurskeiðin var á síðasta leik). Ég veit að það er vilji hjá Bjarna og þar af leiðandi KR til að rífa stemmninguna upp. Því segi ég að það þurfi að starta KR Party á Rauðaljóninu eða bara upp í KR á öðrum degi en leikdegi og gefa frían bjór fyrir þá sem mæta í KR treyju.
Damus7
23.júní 2015 kl.19:10
Rétt hjá Damusi. Það þarf eitthvað svona og það þarf að búa til einhverja stemmningu fyrir leikina líka, til dæmis með því að hittast einhvers staðar þar sem er skipulagður hittingur og fá sér kaldan fyrir leik. Til dæmis á Ljóninu eða Kaffi Vest, eða með bjórtjaldi í Frostaskjóli eða eitthvað. Hamborgarasalan er mjög fín en ég held að það sé ekki að fara að verða til einhver svakaleg stemmning þarna inni í félagsheimilinu. Og með fullri virðingu fyrir mömmunum, þá kemur stemmningin ekki með þeim. Að fá þær á völlinn er hins vegar góð leið til að fjölga fólki. En mömmurnar eru ekkert að fara að rífa stemmninguna í gang.
Jósef
23.júní 2015 kl.20:49
Það þarf samt að smala fólki og handvelja fólk í svona partý þó svo allir stuðningsmenn séu velkomnir.
KR
23.júní 2015 kl.22:16
Það væri samt hægt að byrja á því til dæmis fyrir næsta heimaleik að auglýsa að Miðjan og aðrir stuðningsmenn ætli að hita upp fyrir leikinn einhvers staðar. Tala við Kaffi Vest eða Ljónið og fá tilboð á barnum. Allir velkomnir. Hafa kannski einhverja skipulagða upphitun sem snýst meira um að fá sér og hafa gaman en bara að borða hamborgara og labba upp í stúku tvær mínútur í leik.
Jósef
23.júní 2015 kl.22:18
Vó ertu ekki að grínast með dissið á mömmurnar? Þó þær noti ekki bjórinn til að peppa sig hvetja þær líka og syngja með! Þarf alltaf að vera bjór til að ná upp stemmara, mér sýnist það nú ekki alltaf gæfulegt. Það eru líka fullt af ungum krökkum sem koma á völlinn með mömmu sinni nú eða foreldrum og eru þau dugleg að hvetja sína menn og líta upp til Miðjunnar. Krakkar eru ófeimin að syngja og hrópa sínu liði til stuðnings. Má ekki hvetja ungu krakkana til að mæta í treyju og vera með Miðjunni? Kenna þeim lögin og textana. Miðjan sem og aðrir stuðningsmenn KR eru fyrirmyndir þessara barna sem alast upp innan KR og er ekki flott að byrja snemma? Það þarf ekki fulla orðljóta „kalla“ í stuðningsmannalið til að gott sé! Miðjumenn gætu t.d. verið framar í stúkunni og stýrt henni, snúið sér við og hvetja fólk til að syngja með. Jafnvel að hafa lögin á jákvæðari nótum til að fólki langi til að taka undir. Ég persónulega hef fulla trú á stuðningsfólki KR til að mynda skemmtilega stemmningu í stúkunni á réttum forsendum.
KR mamma!
23.júní 2015 kl.22:58
Elska KR mömmur.
Damus7
24.júní 2015 kl.00:03
Knattpsyrnuleikir eiga ekki að vera leikvellir boltabullunar. KR er fjölskylda fólks af öllum stéttum, á öllum aldri og af báðum kynjum. Viðhorfið á vellinum ætti að mínu viti að vera jákvætt og skemmtilegt fyrir alla. Helstu stuðningsmenn eiga að vera jákvæðar fyrirmyndir og þannig held ég að best takist upp í að ná stemmingu í stúkunni. Ég hata t.d. ekki val, í raun hef ég enga skoðun á þeim klúbbi, en ég elska KR. Áfengi finnst mér ekki eiga heima á knattspyrnuleikjum en ég er ekki mótfallinn því að fólk fái sér í gals fyrir leik. Það sem ég er að segja er að við eigum að gera leikdag að skemmtilegum fjölskyldudegi, þar sem ungir sem aldnir mæta til að horfa á besta lið landsins spila og styðja sína menn og konur.
Andri
24.júní 2015 kl.02:57
Þessi stemning sem menn eru að tala um er ekki eitthvað sem er búið til með því að setja upp fund. Miðjan var til dæmis eitthvað sem varð til kringum strákahóp á mínu reki, sirka 82-86 árgerðir, sem vildu skemmta sér og voru miklir vinir og KR-ingar. Víkingar áttu svona kynslóð fyrir nokkrum árum sem varð að Berserkjum, FH-mafían á sínum tíma myndaðist á svipaðan hátt, og svona mætti áfram telja. Kjarninn í svona löguðu þarf að vera fólk á tvítugsaldri og þetta þarf að vera vinahópur sem er annt um félagið, oft á tíðum einhverjir sem náðu kannski ekki að komast alla leið í meistaraflokk. Það sem félagið getur gert að mínu mati er einungis að hvetja alltaf yngri flokka iðkendur til að mæta á leiki, og hafa kannski frítt inn eða afslátt fyrir iðkendur og foreldra þeirra. Þannig verður það hefð að fara á völlinn og þegar þessir krakkar verða aðeins eldri finna þeir tilgang í því að styðja félagið af lífi og sál og mynda stemningu.
dóri
Ekki á leikdegi.24.júní 2015 kl.08:46
Andri, nokkrar spurningar fyrir þig. Skil ég þig rétt að þér finnst Miðjan vera fótbolta bullur eða ertu að tala um að "Smá bullulæti" eru þér ekki að skapi? Afhverju ætti þetta að hindra skemmtilegan fjölskyldu dag á KR vellinum? Veist Þú að verið er að tala um að gera þetta ekki á leikdegi? Td eins og næsta laugardag og næsti leikur er á sunnudegi. Fyrir mér þá þarf að myndast nýr kjarni sem þarf að taka við og við þurfum að hópa þeim saman (það gerist ekki sjálfkrafa, Miðjan td byrjaði ekki sjálfkrafa, Zebrarnir byrjuðu ekki sjálfkrafa). Það versta sem getur komið út úr þessu eru ný lög (sjaldnast búin til upp í stúku). Ef við tökum stuðningmenn Stjörnunar, þá gerðu þetta á síðasta leikdegi og það er eitthvað sem við viljum ekki. Þess fyrir utan viljum við ekki vera neðstir í stúkunni standandi svo allir aðrir þurfa líka að standa allan leikinn.
Damus7
24.júní 2015 kl.10:24
Tek undir með Damus7. Svona hlutir spretta ekkert upp úr engu. Þó svo að Miðjan hafi verið fínasta skemmtun á sínum tíma þá var þetta ekki einn stór vinahópur. Þetta varð hinn skemmtilegast félagsskapur en ég þekkti ekkert alla í byrjun. Það þarf að smala í svona hóp. Fá öfluga unga stráka um tvítugt sem nenna þessu. Þetta verður ekki bara sjálfkrafa til úr grasrótinni. Það þarf að leita til þessara aðila og gera þetta spennandi. Þetta var frábært á sínum tíma. Knattspyrnudeildin með þá Sigga Helga og svo Guðjón Kristins var til fyrirmyndar. Viltu allt gera. Redduðu rútum, olíu, borguðu stóra búninga o.fl. Það er það sem þarf!
Miðjumaður
24.júní 2015 kl.11:09
eru þessir ungu vinahópar í dag að mæta á KR leiki? 90 til 95 kynslóðirnar á KV park enda aðal markhópur þeirra?
qwerty
24.júní 2015 kl.13:46
Ég fullyrti aldrei að Miðjan væri með bullulæti. Ég er að benda á að árangursríkasta leiðin til að fá fólk til að mæta á völlinn er að horfa til þess sem félög í öðrum löndum hafa gert vel. Ísland og Noregur eru áþekk lönd og það virkaði víst ansi vel að fá "mömmurnar" á leiki í Noregi. Af hverju var það? Væntanlega vegna þess að þá mætir fjölskyldan. Þetta vindur svo ofan á sig og verður hefð þ.e. fjölskyldur fara að mæta í meira mæli á völlinn og áhrofendum fjölgar. Þar með fjölgar þeim sem eru líklegir til að taka þátt í stemmingunni á vellinum. Hins vegar er ein örugg leið tli þess að fæla fjölskyldufólk frá vellinum og það eru bullulæti, bjór og neikvætt andrúmsloft. Þess vegna skora ég á þá sem vilja halda uppi stemmingu á vellinum að vera jákvæða og skemmtilega. Mér er nokkuð sama þó menn drekki aðra daga eða fyrir eða eftir leik. Bara ekki á vellinum sjálfum og sleppum bullulátum.
Andri
24.júní 2015 kl.14:38
Andri...þetta er ekki svona svart og hvítt:) Þetta getur vel farið saman. Auðvitað viljum við ekki bullulæti en við viljum stemmningu, svona "létt bullulæti".
KR
24.júní 2015 kl.14:47
Víða erlendis hafa menn áttað sig á því að það er gott að fá fjölskyldur á völlinn en að sama skapi er líka gott að fá það sem þið kallið "bullur". Þess vegna eru sérstök svæði ætluð fjölskyldum og börnum og önnur svæði fyrir bullur. Þannig geta allir fengið það sem þeir vilja. Bullur geta verið fullar með læti og aðrir þurfa ekki að sitja undir þeim látum. Auðvitað er allt smærra í sniðum hér og kannski hæpið að fara að skipta áhorfendum eitthvað niður, sérstaklega þegar mörgum finnst jafnvel út í hött að skipta fólki í svæði eftir því hvort liðið það styður. Annars er eiginlega broslegt að vera að tala um einhverjar "bullur" í þessu samhengi. Ég hef ekki enn upplifað bullulæti á íslenskum knattspyrnuleik. Ég skil þetta samt alveg - ég á sjálfur börn og ég hef ekkert sérstakan áhuga á að láta þau sitja undir orðbragðinu sem viðgengst á knattspyrnuleikjum, en ég hef heldur engan áhuga á að knattspyrnuleikir séu eins og einhver skátasamkoma.
h
24.júní 2015 kl.15:44
Það er ekki verið að tala um menn breyti þessu í skátasamkomu. Hins vegar man ég eftir því fyrir þó nokkrum árum að KR-klúbburinn var með bjór í hálfleik og sumir kunnu sér ekki hóf. Það er sjálfsagt að menn syngi og tralli og hafi gaman á leiknum. Auðvitað kemur fyrir að menn öskri á dómara eða leikmenn, það er hluti af leiknum. Enginn að tala gegn því. Það sem ég er að segja er að KR þarf að skapa umhverfi á vellinum sem er með þeim hætti að fjölskyldur komi í meira mæli. Tökum t.d. Fylkisstúkuna sem dæmi, hún er dýpri og gefur möguleika á að menn komist inn í skjól í henni og fái sér kaffisopa, þeir selja þar grillaða hamborgar og það verður til skemmtileg stemming á vellinum. Mér var boðið á leik Fylkis og Breiðabliks af góðum vin úr Árbænum. Þar upplifði ég mjög skemmtilegan leik og fólk var að koma með alla fjölskylduna, fá sér hamborgara, spjalla, syngja og skemmta sér. Við þurfum að fara að líta á umgjörðina á okkar leikjum. Þeir sem halda utan um þetta hjá KR eru að gera frábæra hluti og standa sig vel en klúbburinn þarf að fara að endurskoða söluskúrana, stúkuna og annað á vellinum. Þá sakna ég þess að sjá ekki leiki auglýsta við Hagatorg og á Hringbrautinni.
Andri

Svara þráð

Nafn: Fyrirsögn: Það þarf að setja inn stafina "KR" í vörnina til að þráðurinn birtistVörn: Skilaboð:

Viðtal við Rúnar Kristinsson

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

Finndu okkur á Facebook

Vefsíðugerð & vefhönnun: Smartmedia 2012