Guðmundur Pétursson gekk í kvöld til liðs við Breiðablik. Gummi gekk til liðs við KR í ágústmánuði 2006 og er óhætt að segja að hann hafi reynst okkur vel.

Þegar hann kom til liðsins nær algjörlega óþekktur frá ÍR reiknuðu menn ekki með miklu. Hann lét þó fjótt til sín taka og skoraði nokkur mikilvæg mörk, en helst ber að nefna sigurmark á móti ÍA á lokasekúndum leiksins og þá tryggði hann okkur inn í Evrópukeppni með mögnuðu jöfnunarmarki gegn Val á Laugardalsvelli sumarið 2006. Það mark tryggði okkur jafnframt 2. sætið í deildinni.

Ýmislegt hefur verið látið flakka í hita leiksins og ekki allir á eitt sáttir með þróun mála síðastliðna mánuði. En eftir stendur að Gummi reyndist félaginu vel. Við þökkum Guðmundi Pétursson kærlega fyrir hans framlag til félagsins og óskum honum góðs gengis á nýjum vettvangi.