Sælir bræður mínir allir í KR

-

Nuuuuuuuj helvíti gaman að fylgjast með KR spila við Fjölni. Grísku líkin voru varla kólnuð eftir að KR snýtti þeim og við erum strax lentir í því að spila við Fjölni…. í Grafarvogi….. í brekku.  Í gær áttaði ég mig á því að KR er orðið of stórt fyrir Ísland, búið að gnæfa yfir önnur lið í gott betur en árhundrað og þetta er, að ég held, barasta orðið flott. Ég sit ekki lengur spenntur við útsendingu KR-útvarpsins og býð í ofvæni eftir næsta útspili Grindvíkinga, eða Þróttara. Komm ´ðe fokk on! Ég get hreinlega ekki lengur gírað mig upp fyrir næsta bikarleik við Víði í Garði! Maður hlýtur að spyrja sig hvað næst? Víkingur í Ólafsvík??! Hvar eru andstæðingarnir, hvar eru hinir risarnir til að glíma við? Og í Allahs lifandi bænum ekki tala við mig um FH eða Keflavík. Treystið mér ágætu Íslendingar, treystið mér þegar ég segi að FH og Keflavík eru engar stærðir. Treystið mér þegar ég segi að ekki einasta sála í öllu Tyrklandi þekkir til Keflavíkur og við teljum litlar 80.000.000 hérna! Treystið mér þegar ég segi að það er öllum drullusama!

-

KR er ekki stór fiskur í lítilli tjörn, KR er djöfulsins leirgedda í poka undir gullfisk! KR - Fjölnir er álíka sanngjarn leikur og þegar ég útskýrði húsreglurnar fyrir munaðarleysingjanum á svölunum mínum …. með búrhníf. Er þetta ekki fullreynt? Við erum svo að segja búnir að sópa til okkar öllum hugsanlegum verðlaunum sem hægt er að vinna til á Íslandi og það oftar en einu sinni. Við höfum orðið Íslandsmeistarar næstum því 30 sinnum!! Þrjátíu sinnum segi ég og skrifa með bókstöfum líka svo allir skilji! Þetta eru nálega þrír áratugir af því að vera Íslandsmeistarar, sem jaðrar við meðalævilengd Tyrkja… til samans!! Ágætu Íslendingar sleppið af KR beislinu, sendið þá út og látið þá glíma við jafnoka sína! KR mun fylla ykkur stolti!!

-

Með blóðheitri kveðju frá sólríkri strönd,

-

Punisher