Í kvöld sækjum við KR-ingar FH-inga heim í krikann í sannkölluðu stórleik 4. umferðar. Leikurinn hefst kl. 20:00 og ætla stuðningsmenn KR að hittast kl. 18:00 eins og fram kemur hér á síðunni.

FH-ingar hafa hafið mótið af miklum krafti og eru með 7 stig eftir þrjá leiki. Þeir sigruðu HK sannfærandi í fyrsta leik, þá skagann og í síðustu umferð gerðu þeir óvænt 4-4 jafntefli við Þrótt. Við KR-ingar sigruðum fyrsta leik tímabilsins en eftir það hefur KR liðið valdið miklum vonbrigðum. Tveir tapleikir gegn Fjölni og Breiðablik  þýða það að allt annað en sigur í kvöld er þess valdandi að liðið dregst aftur úr. Við förum bjartsýnir í leikinn þess minnugir að við sigruðum síðustu viðureign félaganna í deildarbikarnum 2-0.

Halda áfram að lesa "KR - FH í krikanum í kvöld"

Stefnan var sett á það að hittast á Bada bing en honum hefur verið lokað. Staðurinn var steinsnar frá vellinum eins og sjá má hér á þessari slóð.

Þar sem Bada bing var til hús er nú kominn pólskur bar en hann verður opinn á morgun og við erum velkomnir þangað.

Hittumst hressir á WARZAWA kl: 18:00!!

Vil nota tækifærið og minna Vesturbæinga á að Knattspyrnufélag Vesturbæjar hefur leik í Íslandsmótinu í dag. Liðið tekur á móti KFS frá Vestmannaeyjum á gervigrasvelli KR og hefst leikurinn kl. 15:00. Með KV leika fjölmargir KR-ingar og hefur félagið m.a. fengið leikmenn að láni frá KR. Það væri gaman að sjá sem flesta mæta á leikinn.

PK

Vinsamlegast takið það til ykkar sem þetta eiga. Spjallborðið hér er ekki verkfæri manna til að ata aðra aur í skjóli nafnleysis. Við leyfum öllum að gera hér athugasemdir nafnlaust, kjósi þeir svo, til þess að ýta undir og búa til umræðu en við leyfum það ekki svo einstaka vitleysingar geti hér vegið að æru manna. Athugið það sérstaklega og takið til ykkar stuðningsmenn annarra liða, að ykkur er frjálst að taka þátt í hverjum þeim umræðum hér sem ykkur hugnast og jafnvel megið þið gagnrýna KR og stuðningsmenn þess, en það er óþolandi og ólíðandi þegar nafnleysið er notað af misþroska einstaklingum til niðurrifs! Hvaða mögulega hagsmuni getur nokkur fótboltaáhugamaður haft af því að rífa niður og grafa undan nánast eina virka spjallborði landsins um íslenskan fótbolta?
Halda áfram að lesa "Spjallverjar athugið enn og aftur"

Þrátt fyrir magurt gengi meistaraflokks í undanförnum leikjum er nóg að frétta úr herbúðum stórveldisins. Við hlaupum hér yfir það helsta í stuttu máli:

• Pétur Marteinsson hefur æfingar á fullum krafti á næstu dögum, en hann hefur verið frá meira og minna í allan vetur.
• Grétar Ólafur Hjartarson er á svipuðu róli og Pétur. Ekki er hægt að búast við því að hann verði leikfær á sunnudaginn kemur, en að loknu landsleikjahléi ætti Grétar að verða leikfær. Grétar viðbeinsbrotnaði illa í marsmánuði og hefur verið frá síðan. Grétar hafði verið gríðarlega öflugur og því verður spennandi að fá hann aftur á nýjan leik en hann kemur með nýjar víddir inn í leik liðsins.
• Stefán Logi er byrjaður að hlaupa á nýjan leik og tekur þátt í léttum æfingum. Reiknað er með því að Stefán Logi geti byrjað að keppa við Kristján um markmannsstöðuna fyrir heimaleikinn gegn Fram þann 2. Júní. Mönnum er eflaust enn í fersku minni innkoma Stefáns Loga í fyrra á móti Fram þar sem hann fór á kostum og varði m.a. vítaspyrnu.
  Halda áfram að lesa "Stuttar fréttir"
  6 athugasemdir

 2. flokkur karla hefur leik á Íslandsmótinu í kvöld. Þá mæta skagamenn í heimsókn í Frostaskjólið og hefjast leikar kl. 19:15. Það vekur nokkra athygli að leikurinn fer fram á gervigrasvelli KR en grasvellir KR hafa komið vel undan vetri.

Þjálfari flokksins er Úlfar Hinriksson og hefur árangur liðsins verið góður á undirbúningstímabilinu. Þeir fögnuðu  á dögunum Reykjavíkurmeistaratitli og var það fyrsti titill annars flokks síðan 2003. Í flokknum er að finna marga efnilega leikmenn sem munu setja mark sitt á meistaraflokk félagsins á komandi árum.

Það er vonandi að sem flestir KR-ingar leggi leið sína í Frostaskjólið í kvöld.

-

PK

KR-klúbburinn heldur áfram að velja mann leiksins og gær var það Grétar Sigfinnur Sigurðsson er þótti standa sig best að mati dómnefndar. Grétar skoraði fallegt mark í leiknum og hefðu aðrir leikmenn liðsins mátt taka hann sér til fyrirmyndar hvað baráttu varðar. Á myndinni má sjá hvar Hjörvar Ólafsson, stjórnarmaður í KR-klúbbnum afhendir Grétari vinningsflöskuna að leik loknum.