Fréttir

Gífurleg vonbrigði í Víkinni

Eftir góða leiki að undanförnu voru gríðarleg vonbrigði að tapa 0-1 fyrir Víkingum í Víkinni. Leikur KR-liðsins í kvöld var sannarlega mun betri en í mörgum tapleikjum og jafnteflisleikjum fyrr í sumar, KR hafði yfirburði á vellinum lengst af og átti fleiri færi en heimamenn. En slíkt er engin huggun lengur - seinni hluti mótsins er hafinn og vonin um að fá eitthvað bitastætt út úr þessu keppnistímabili verður sífellt veikari. 

lesa meira

Víkingur - KR á mánudagskvöld

Víkingur og KR eigast við í síðasta leik 12. umferðar Pepsi-deildarinnar í Víkinni á mánudagskvöld kl. 20. Fyrir leikinn er KR í 10. sæti deildarinnar en sigur myndi skjóta okkur upp í það sjöunda. Hvorugt sætið er samboðið KR en nú er ekki annað í boði en að sigla upp töfluna. KR hefur leikið vel undanfarið, bæði í deildinni og Evrópukeppninni og nú verður að fylgja því eftir með stigasöfnun. 

Lesa frétt

Rúnar Már skaut KR út úr Evrópukeppninni

KR tapaði í dag fyrir svissneska liðinu Grasshopper í síðari leik liðanna í undankeppni Evrópudeildarinnar, 1-2. Fyrri leik liðanna lauk með jafntefli 3-3. Það var Rúnar Már Sigurjónsson sem skoraði bæði mörk svissneska liðsins en Morten Beck skoraði mark KR, jafnaði í 1-1 snemma í síðari hálfleik áður en Rúnar Már skoraði sigurmarkið. 

Lesa frétt

Glimrandi leikur gegn Fylki

KR vann glæsilegan 4-1 útisigur gegn Fylki í kvöld og færðist þar með fjær falllsætunum. KR spilaði glimrandi vel í kvöld og ekki lítur út fyrir annað en nýjum þjálfara, Willum Þór Þórssyni, hafi tekist að snarbreyta leik liðsins til batnaðar . KR-liðið var flugbeitt í kvöld, mikil vinnsla og barátta í leikmönnum, samleikur prýðilegur og færi nýtt af fagmennsku og sjálfsöryggi. 

Lesa frétt

Fylkir - KR á sunnudagskvöld

KR sækir Fylki heim í Árbæinn á sunnudagskvöld og hefst leikurinn kl. 19.15. Það þarf ekki að fara mörgu orðum um hvað mikilvægur þessi leikur er KR, sem er í 10. sæti, en Fylki er í því ellefta. Með tapi færist KR niður í fallsæti. Núna er kominn tími til að snúa ærlega við blaðinu í deildinni eftir frábært gengi í Evrópukeppninni undanfarið. 

Lesa frétt

 
 

Finndu okkur á Facebook

Vefsíðugerð & vefhönnun: Smartmedia 2012